Acròpuli è nu nomu ca veni dû grecu (Ἄκρος "akros", àutu, Πὸλις, "polis", cità) ca ìnnica la parti cchiù àuta di na cità.
Ntâ Grecia antica innicava dda parti dâ cità ca vinìa custruiuta pi càusi difinzivi 'n capu a nu poju e spissu cintata dê mura. La "parti àuta" dê cità grechi, comu Ateni, Argu, Miceni e Tirintu, n etati micinea era lu locu unni stava lu re, ma cô tempu addivinìu lu centru riliggiusu, locu dê templi e dê riunioni.
Tali furtificazzioni nun sunnu rifirìbbili sulu ô munnu ellènicu, s'attròvanu macari nti tuttu lu Miditirràniu uccidintali (comu nti l'Ittiti) e n Italia (pi asempiu l'acròpuli di Alatri e chidda di Arpino).
'N ginirali comu acròpuli si ntenni chidda di Ateni, duminata dû cèlibbri Partinuni.
